Xeosónica é un proxecto transmedia que fai unha exploración do son desde un punto de vista artístico. Configurado como un puzzle multimedia con múltiples pezas: paisaxes sonoras, pílulas informativas, intervencións artísticas, creacións sonoras e unha curtametraxe na que o son é o protagonista absoluto. Un enfoque experimental e lúdico que nos leva a unha viaxe dende a natureza á humanidade.